- ಮಲ್ಲಿಕಾರ್ಜುನ ತಿಪ್ಪಾರ
ಗೂಗಲ್‌ ಹೊರ ತಂದಿರುವ ಅನೇಕ ಉತ್ಪನ್ನಗಳಲ್ಲಿ'ಗೂಗಲ್‌ ಅಸಿಸ್ಟೆಂಟ್‌' ಭಿನ್ನವಾಗಿದ್ದು, ಅತ್ಯುಪಯುಕ್ತ ಮತ್ತು ಬಳಕೆದಾರರ ಸ್ನೇಹಿಯಾಗಿದೆ. ಐಫೋನ್‌ನಲ್ಲಿ ಸಿರಿ, ವಿಂಡೋಸ್‌ ಫೋನ್‌ನಲ್ಲಿ ಕೋರ್ಟನಾ, ಅಮೆಜಾನ್‌ನ ಅಲೆಕ್ಸಾ ರೀತಿಯಲ್ಲೇ ಗೂಗಲ್‌ನ ಈ 'ಗೂಗಲ್‌ ಅಸಿಸ್ಟೆಂಟ್‌' ಕೆಲಸ ಮಾಡುತ್ತದೆ. ಈ ಉತ್ಪನ್ನ ಮೊದಲಿಗೆ ಆರಂಭವಾದಾಗ ಗೂಗಲ್‌ನ ಪ್ರಾಡಕ್ಟ್‌ಗಳಾದ ಪಿಕ್ಸೆಲ್‌ ಫೋನ್‌ ಅಥವಾ ಗೂಗಲ್‌ ಹೋಮ್‌ ಗ್ಯಾಜೆಟ್‌ಗಳಿಗೆ ಮಾತ್ರ ಸಿಮೀತವಾಗಿತ್ತು. ಆದರೆ, ಇದೀಗ ಎಲ್ಲಆ್ಯಂಡ್ರಾಯ್ಡ್‌ ಹಾಗೂ ಐಒಎಸ್‌ ಆಧರಿತ ಫೋನ್‌, ಡಿವೈಸ್‌ಗಳಿಗೂ ಇದು ಸಪೋರ್ಟ್‌ ಮಾಡುತ್ತದೆ.
ಆರಂಭದಲ್ಲಿ ಗೂಗಲ್‌ ಅಸಿಸ್ಟೆಂಟ್‌ ಇಂಗ್ಲಿಷ್‌ನಲ್ಲಿ ಮಾತ್ರ ಸೇವೆಯನ್ನು ಒದಗಿಸುತ್ತಿತ್ತು. ಆನಂತರ ಜಗತ್ತಿನ ಅನೇಕ ಭಾಷೆಗಳಲ್ಲಿ ಸೇವೆಯನ್ನು ನೀಡಲಾರಂಭಿಸಿತು. ಇದರಲ್ಲಿ ನಮ್ಮ ಕೆಲವು ಭಾರತೀಯ ಭಾಷೆಗಳೂ ಸೇರಿವೆ. ಇದೆಲ್ಲವೂ ಗೊತ್ತಿರುವ ಸಂಗತಿಯೇ. ಆದರೆ, ಹೊಸ ವಿಷಯ ಏನೆಂದರೆ, ಗೂಗಲ್‌ ಅಸಿಸ್ಟೆಂಟ್‌ ಇನ್ನು ಮುಂದೆ 'ರಿಯಲ್‌ ಟೈಮ್‌ನಲ್ಲಿ ಭಾಷಾಂತರ ಮಾಡಲಿದೆ'! ಅರ್ಥಾತ್‌ ಅದು ದುಭಾಷಿ ರೀತಿಯಲ್ಲಿಕೆಲಸ ಮಾಡಲಿದೆ.
ಹೌದು, ಇದು ನಿಜ. ಇದಕ್ಕಾಗಿ ಗೂಗಲ್‌, ಅಸಿಸ್ಟೆಂಟ್‌ಗೆ 'ಇಂಟರ್‌ಪ್ರೆಟರ್‌ ಮೋಡ್‌' ಪರಿಚಯಿಸಿದೆ. ಇದು ಆ್ಯಂಡ್ರಾಯ್ಡ್‌ ಮತ್ತು ಐಒಎಸ್‌ ಆಧರಿತ ಸಾಧನಗಳಿಗೆ ಸಪೋರ್ಟ್‌ ಮಾಡಲಿದೆ. 2019ರ ಜನವರಿಯಲ್ಲೇ ಈ ಬಗ್ಗೆ ಗೂಗಲ್‌ ಘೋಷಣೆ ಮಾಡಿ, ಗೂಗಲ್‌ ಹೋಮ್‌ ಸ್ಪೀಕರ್‌, ಸ್ಮಾರ್ಟ್‌ ಡಿಸ್‌ಪ್ಲೇಸ್‌ ಸೇರಿದಂತೆ ಇನ್ನಿತ ಸಾಧನಗಳಿಗೆ ಪರಿಚಯಿಸಿತ್ತು. ಇದೀಗ ಈ ಫೀಚರ್‌ ಜಾಗತಿಕವಾಗಿ ಎಲ್ಲ ಫೋನ್‌ ಬಳಕೆದಾರರಿಗೆ ವಿಸ್ತರಿಸಲಾಗಿದೆ.
ವಿಮಾನಗಳು, ಸ್ಥಳೀಯ ರೆಸ್ಟೊರೆಂಟ್‌ಗಳ ಶೋಧ ಸೇರಿದಂತೆ ಇನ್ನಿತರ ಮಾಹಿತಿಗಾಗಿ ಪ್ರವಾಸಿಗರು ಗೂಗಲ್‌ ಅಸಿಸ್ಟೆಂಟ್‌ ನೆರವು ಪಡೆಯುತ್ತಿದ್ದಾರೆ. ಪ್ರಯಾಣದ ವೇಳೆ ಇನ್ನೂ ಹೆಚ್ಚಿನ ನೆರವು ನೀಡುವ ನಿಟ್ಟಿನಲ್ಲಿಅಸಿಸ್ಟೆಂಟ್‌ ಇದೀಗ ರಿಯಲ್‌ ಟೈಮ್‌ ಭಾಷಾಂತರ ಫೀಚರ್‌ ಇಂಟರ್‌ಪ್ರಿಟರ್‌ ಮೋಡ್‌ನೊಂದಿಗೆ ನಿಮ್ಮ ಮುಂದೆ ಬಂದಿದೆ. ಜಗತ್ತಿನಾದ್ಯಂತದ ಆ್ಯಂಡ್ರಾಯ್ಡ್‌ ಮತ್ತು ಐಒಎಸ್‌ ಫೋನ್‌ಗಳಲ್ಲಿನ ಅಸಿಸ್ಟೆಂಟ್‌ಗಳಿಗೆ ಇದು ಲಭ್ಯವಾಗಲಿದೆ ಎಂದು ಗೂಗಲ್‌ ತನ್ನ ಬ್ಲಾಗ್‌ನಲ್ಲಿತಿಳಿಸಿದೆ.
ಗೂಗಲ್‌ ಹೊರ ತಂದಿರುವ ಅನೇಕ ಉತ್ಪನ್ನಗಳಲ್ಲಿ'ಗೂಗಲ್‌ ಅಸಿಸ್ಟೆಂಟ್‌' ಭಿನ್ನವಾಗಿದ್ದು, ಅತ್ಯುಪಯುಕ್ತ ಮತ್ತು ಬಳಕೆದಾರರ ಸ್ನೇಹಿಯಾಗಿದೆ. ಐಫೋನ್‌ನಲ್ಲಿ ಸಿರಿ, ವಿಂಡೋಸ್‌ ಫೋನ್‌ನಲ್ಲಿ ಕೋರ್ಟನಾ, ಅಮೆಜಾನ್‌ನ ಅಲೆಕ್ಸಾ ರೀತಿಯಲ್ಲೇ ಗೂಗಲ್‌ನ ಈ 'ಗೂಗಲ್‌ ಅಸಿಸ್ಟೆಂಟ್‌' ಕೆಲಸ ಮಾಡುತ್ತದೆ. ಈ ಉತ್ಪನ್ನ ಮೊದಲಿಗೆ ಆರಂಭವಾದಾಗ ಗೂಗಲ್‌ನ ಪ್ರಾಡಕ್ಟ್‌ಗಳಾದ ಪಿಕ್ಸೆಲ್‌ ಫೋನ್‌ ಅಥವಾ ಗೂಗಲ್‌ ಹೋಮ್‌ ಗ್ಯಾಜೆಟ್‌ಗಳಿಗೆ ಮಾತ್ರ ಸಿಮೀತವಾಗಿತ್ತು. ಆದರೆ, ಇದೀಗ ಎಲ್ಲಆ್ಯಂಡ್ರಾಯ್ಡ್‌ ಹಾಗೂ ಐಒಎಸ್‌ ಆಧರಿತ ಫೋನ್‌, ಡಿವೈಸ್‌ಗಳಿಗೂ ಇದು ಸಪೋರ್ಟ್‌ ಮಾಡುತ್ತದೆ.
ಆರಂಭದಲ್ಲಿ ಗೂಗಲ್‌ ಅಸಿಸ್ಟೆಂಟ್‌ ಇಂಗ್ಲಿಷ್‌ನಲ್ಲಿ ಮಾತ್ರ ಸೇವೆಯನ್ನು ಒದಗಿಸುತ್ತಿತ್ತು. ಆನಂತರ ಜಗತ್ತಿನ ಅನೇಕ ಭಾಷೆಗಳಲ್ಲಿ ಸೇವೆಯನ್ನು ನೀಡಲಾರಂಭಿಸಿತು. ಇದರಲ್ಲಿ ನಮ್ಮ ಕೆಲವು ಭಾರತೀಯ ಭಾಷೆಗಳೂ ಸೇರಿವೆ. ಇದೆಲ್ಲವೂ ಗೊತ್ತಿರುವ ಸಂಗತಿಯೇ. ಆದರೆ, ಹೊಸ ವಿಷಯ ಏನೆಂದರೆ, ಗೂಗಲ್‌ ಅಸಿಸ್ಟೆಂಟ್‌ ಇನ್ನು ಮುಂದೆ 'ರಿಯಲ್‌ ಟೈಮ್‌ನಲ್ಲಿ ಭಾಷಾಂತರ ಮಾಡಲಿದೆ'! ಅರ್ಥಾತ್‌ ಅದು ದುಭಾಷಿ ರೀತಿಯಲ್ಲಿಕೆಲಸ ಮಾಡಲಿದೆ.
ವಿಮಾನಗಳು, ಸ್ಥಳೀಯ ರೆಸ್ಟೊರೆಂಟ್‌ಗಳ ಶೋಧ ಸೇರಿದಂತೆ ಇನ್ನಿತರ ಮಾಹಿತಿಗಾಗಿ ಪ್ರವಾಸಿಗರು ಗೂಗಲ್‌ ಅಸಿಸ್ಟೆಂಟ್‌ ನೆರವು ಪಡೆಯುತ್ತಿದ್ದಾರೆ. ಪ್ರಯಾಣದ ವೇಳೆ ಇನ್ನೂ ಹೆಚ್ಚಿನ ನೆರವು ನೀಡುವ ನಿಟ್ಟಿನಲ್ಲಿಅಸಿಸ್ಟೆಂಟ್‌ ಇದೀಗ ರಿಯಲ್‌ ಟೈಮ್‌ ಭಾಷಾಂತರ ಫೀಚರ್‌ ಇಂಟರ್‌ಪ್ರಿಟರ್‌ ಮೋಡ್‌ನೊಂದಿಗೆ ನಿಮ್ಮ ಮುಂದೆ ಬಂದಿದೆ. ಜಗತ್ತಿನಾದ್ಯಂತದ ಆ್ಯಂಡ್ರಾಯ್ಡ್‌ ಮತ್ತು ಐಒಎಸ್‌ ಫೋನ್‌ಗಳಲ್ಲಿನ ಅಸಿಸ್ಟೆಂಟ್‌ಗಳಿಗೆ ಇದು ಲಭ್ಯವಾಗಲಿದೆ ಎಂದು ಗೂಗಲ್‌ ತನ್ನ ಬ್ಲಾಗ್‌ನಲ್ಲಿತಿಳಿಸಿದೆ.
ಕನ್ನಡ ಸಹಿತ 44 ಭಾಷೆಗೆ ಬೆಂಬಲ
ಪ್ರಯಾಣದ ವೇಳೆ ವಿದೇಶಿ ಭಾಷೆಯಲ್ಲಿ ಮಾತನಾಡುವವರಿದ್ದರೆ ನೀವು ನಿಮ್ಮ ಫೋನ್‌ನಲ್ಲಿರುವ ಈ ಫೀಚರ್‌ ಅನ್ನು ಬಳಸಿಕೊಂಡು ಅವರೊಂದಿಗೆ ಮಾತನಾಡಬಹುದು. ಉದಾಹರಣೆಗೆ, ''ಹೇ ಗೂಗಲ್‌, ಬಿ ಮೈ ಫ್ರೆಂಚ್‌ ಟ್ರಾನ್ಸ್‌ಲೇಟರ್‌,'' ಎಂದು ಹೇಳಿದರೆ, ಆ ಭಾಷೆಯಲ್ಲಿನೀವು ಮತ್ತೊಬ್ಬರೊಂದಿಗೆ ಸಂವಹನ ಮಾಡಬಹುದು. ಗೂಗಲ್‌ ಹೇಳುವಂತೆ ಗೂಗಲ್‌ ಅಸಿಸ್ಟೆಂಟ್‌ ಇಂಟರ್‌ಪ್ರೆಟರ್‌ ಜಗತ್ತಿನ 44 ಭಾಷೆಗಳಿಗೆ ಸಪೋರ್ಟ್‌ ಮಾಡಲಿದೆ. ಈ ಪಟ್ಟಿಯಲ್ಲಿ ಕನ್ನಡವೂ ಇದೆ ಎಂದು ಪ್ರತ್ಯೇಕವಾಗಿ ಹೇಳಬೇಕಿಲ್ಲ.
ಯಾವೆಲ್ಲ ಭಾಷೆಗಳಿವೆ?
ಅರೆಬಿಕ್‌, ಬಂಗಾಲಿ, ಬರ್ಮೀಸ್‌, ಕಾಂಬೋಡಿಯನ್‌, ಜೆಕ್‌, ಡ್ಯಾನಿಷ್‌, ಡಚ್‌, ಇಂಗ್ಲಿಷ್‌, ಇಸ್ಟೋನಿಯನ್‌, ಫಿಲಿಪಿನೊ, ಫ್ರೆಂಚ್‌, ಜರ್ಮನ್‌, ಗ್ರೀಕ್‌, ಗುಜರಾತಿ, ಹಿಂದಿ, ಹಂಗೇರಿಯನ್‌, ಇಂಡೋನೇಷಿಯನ್‌, ಇಟಾಲಿಯನ್‌, ಜಾಪನೀಸ್‌, ಕೊರಿಯನ್‌, ಮಲಯಾಳಂ, ಮರಾಠಿ, ನೇಪಾಳಿ, ಮ್ಯಾಂಡ್ರಿಯನ್‌, ನಾರ್ವೇಯಿನ್‌, ಪೋರ್ಚುಗೀಸ್‌, ರೋಮಾನಿಯನ್‌, ರಷ್ಯನ್‌, ಸಿಂಹಳಿ, ಸ್ಪ್ಯಾನಿಶ್‌, ಸ್ವೀಡಿಶ್‌, ತಮಿಳು, ತೆಲುಗು, ತುರ್ಕಿಷ್‌, ಉಕ್ರೇನಿಯನ್‌, ಉರ್ದು ಇತ್ಯಾದಿ ಭಾಷೆಗಳಲ್ಲಿಗೂಗಲ್‌ ಅಸಿಸ್ಟೆಂಟ್‌ ಇಂಟರ್‌ಪ್ರೆಟರ್‌ ಸೇವೆ ಲಭ್ಯವಿದೆ. ಸಂಭಾಷಣೆ ಮೇಲೆ ಹೆಚ್ಚು ನಿಯಂತ್ರಣ ಸಾಧಿಸುವುದಕ್ಕಾಗಿ ಇದು ನಿಮಗೆ ಮ್ಯಾನುವಲ್‌ ಮೋಡ್‌ ಕೂಡ ಒದಗಿಸುತ್ತದೆ. ಹಾಗೆಯೇ, ಕೀ ಬೋರ್ಡ್‌ ಮೋಡ್‌ನಿಂದಾಗಿ ನೀವು ಟೈಪಿಸಿಯೂ ಭಾಷಾಂತರ ಮಾಡಬಹುದು. ಈ ಮೋಡ್‌ಗಳನ್ನು ಬಳಸುವಾಗ ನೀವು ಇಂಟರ್‌ಪ್ರೆಟರ್‌ ಮೋಡ್‌ ಅಥವಾ ವಾಯ್ಸ್ ಕಮಾಂಡ್‌ ಅನ್ನು ಟ್ರಿಗರ್‌ ಬಟನ್‌ ಮೇಲೆ ಟ್ಯಾಪ್‌ ಮಾಡುವ ಮೂಲಕ ಸ್ವಿಚ್‌ ಆಫ್‌ ಮಾಡಬಹುದು.
ಏನಿದು ಗೂಗಲ್‌ ಅಸಿಸ್ಟೆಂಟ್‌?
ಇದು ಗೂಗಲ್‌ನ ಅತಿ ಜನಪ್ರಿಯ ಉತ್ಪನ್ನವಾಗಿದ್ದು, ಆರ್ಟಿಫಿಷಿಯಲ್‌ ಇಂಟೆಲಿಜೆನ್ಸ್‌(ಕೃತಕ ಬುದ್ಧಿಮತ್ತೆ) ಆಧರಿತ ವರ್ಚುವಲ್‌ ಸೇವೆಯಾಗಿದೆ. ಮೊಬೈಲ್‌ ಮತ್ತು ಸ್ಮಾರ್ಟ್‌ ಹೋಮ್‌ ಗ್ಯಾಜೆಟ್‌ಗಳಲ್ಲಿಈ ಸೇವೆ ದೊರೆಯುತ್ತದೆ. ಈ ಹಿಂದಿನ ಗೂಗಲ್‌ ನೌ ಏಕಮುಖವಾಗಿ ಸಂಭಾಷಣೆಗೆ ಅನುವು ಮಾಡಿಕೊಡುತ್ತಿತ್ತು. ಆದರೆ, ಗೂಗಲ್‌ ಅಸಿಸ್ಟೆಂಟ್‌ ದ್ವಿಮುಖ ಸಂಭಾಷಣೆಗೆ ಬೆಂಬಲ ನೀಡುತ್ತದೆ. ಗೂಗಲ್‌ನ ಮೆಸೇಜಿಂಗ್‌ ಆ್ಯಪ್‌ 'ಅಲ್ಲೋ' ಭಾಗವಾಗಿ ಈ ಅಸಿಸ್ಟೆಂಟ್‌ ಸೇವೆ 2016ರಲ್ಲಿಆರಂಭವಾಯಿತು. 2017ರಲ್ಲಿ ಆ್ಯಂಡ್ರಾಯ್ಡ್‌ ಸಾಧನಗಳಿಗೂ ವಿಸ್ತರಣೆಯಾಯಿತು. 2017ರಲ್ಲಿ ಅಂದಾಜು 40 ಕೋಟಿ ಬಳಕೆದಾರರು ಗೂಗಲ್‌ ಅಸಿಸ್ಟೆಂಟ್‌ ಇನ್ಸ್‌ಟಾಲ್‌ ಮಾಡಿಕೊಂಡಿದ್ದಾರೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ